Spanja regjistroi 728 të vdekur nga COVID-19 në 24 orë, një rënie e lehtë ndërkohë që bilianci ishte regjistruar më parë në rritje për dy ditë radhazi, njoftuan sot autoritetet.
Në total, 15, 283 persona kanë humbur jetën në vend nga COVID-19, një prej vendeve më të prekura nga pandemia.
Më shumë se një milionë e gjysmë raste me koronavirusin e ri janë diagnostikuar zyrtarisht në botë sot në orën 05:30 GMT, sipas të dhënave zyrtare.
Të paktën 1 502 478 raste të infektuara, mes të cilëve 87 320 të vdekur u regjistruan në 192 vende dhe territore, veçanërisht në SHBA me 432 132 raste dhe 14 817 të vdekur, vend ku pandemia ka progresuar shumë shpejt, në Spanjë 146 690 raste dhe 15, 283 të vdekur dhe në Itali 139 422 raste dhe 17 669 të vdekur.
Europa mbetet kontinenti më me shumë raste 772 592 dhe të vdekur 61 118.
Numri i rasteve të diagnostikuara nuk reflekton një numër real të kontaminimeve pasi një numër i madh vendesj testojnë vetëm pacientët në gjendje të renduar.
