Presidenti i Republikës Ilir Meta ka bërë thirrje për mbështetje të biznesit të vogël, pasi po hasin vështirësi në këtë situatë izolimi që po përjeton vendi ynë për shkak të koronavirusit.
Përmes një mesazhi në rrjetet sociale, kreu i shtetit tha se ndihma ndaj këtyre bizneseve do t’i ndihmonte ato për të lehtësuar kostot e mbijetesës dhe vazhdimësisë të tij në këto momente.
“Ndërsa duhet rritur efikasiteti i përpjekjeve për mbajtjen nën kontroll të pandemisë në mënyrë që të mos shkojnë dëm sakrificat e deritanishme, është e qartë se duhen shtuar në mënyrën më përfshirëse dhe pozitive përpjekjet për të mbështetur biznesin për të lehtësuar kostot e mbijetesës dhe vazhdimësisë të tij në këto momente.”– shkruan Meta.
