Seanca në Gjykatën e Apelit për kryedemokratin Lulzim Basha, ish-sekretarit të Përgjithshëm Arben Ristani dhe financierit të PD-së Ilir Dervishi është shtyrë për në datën 27 prill.
Ata duhet të ishin sot në gjyq për çështjen e lobimin rus.
Seancë u shty për shkak se mungonte një anëtar i trupës gjykuese dhe një prokuror.
Shorti ka zgjedhur Fatmira Hajdarin, ish-bashkëshorten e Azem Hajdarit, për të gjykuar nëse vendimi i marrë nga gjyqtari Lazër Sallaku që pushoi hetimin ndaj kryedemokratit Basha është i drejtë ose jo.
Gjyqtari Lazër Sallaku i cilësoi provat të pavlefshme duke rrëzuar akuzën për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë.
Prokuroria nuk ishte dakord dhe vendosi ta apelonte ndërkohë që grupi i prokurorëve u nda në dy qëndrime ku njëri prej tyre, Kol Hysenaj, kërkoi rikthim të akteve për vijimin e hetimeve ndërsa tjetri vazhdimin e gjykimit.
