Bill Gates thotë se jeta e lirë në Shtetet e Bashkuara të Amerikës mund të nisë vjeshtën e vitit 2021. Gates tha se lufta kërkon shumë kohë, derisa të dalë vaksina. Një një intervistë për Fox News, miliarderi tha se distanca sociale po ndihmon në uljen e numrit të rasteve me Covid-19 dhe qëllimi i kësaj, është që të arrihet një pikë ku “gjurmimi i kontaktit” mund të realizohet.
Gates solli si shembull rastin e Kinës, për të cilën tha se edhe ata kanë kufizime përjashtuar punën ku duhet të shkojnë me maska.
“Ata po i dërgojnë njerëzit përsëri në punë, por me maska dhe duke iu kontrolluar temperaturat. Ata gjithashtu nuk po bëjnë ngjarje të mëdha sportive dhe kështu ata kanë qenë në gjendje të shmangin një rikthim më të madh. Pra, të kesh një klasë me 30 të rinj që mund të jetë mirë, po rolin e tyre në transmetimin e sëmundjes, do ta kuptojmë brenda muajit tjetër. Pra ndoshta me ta duhet të jemi pak më të kufizuar sesa me një audiencë të moshës së përgjithshme.” tha Gates.
Sipas Gates, tubimet më të mëdha publike “mund të mos rifillojnë derisa të bëhet vaksinimi i gjerë i popullatës”.
Miliarderi Bill Gates është në qendër të akuzave dhe teorive konspirative se fshihet pas COVID-19. Shkak për këtë është bërë një video e vitit 2015, ku Gates paralajmëronte një pandemi e cila do të paralizonte jetën në tokë.
