Lautaro Martinez vazhdon të jetë në radarin e Barcelonës për sezonin e ardhshëm, pavarësisht pasigurisë së vazhdueshme për shkak të krizës së koronavirusit.
Një nga arsyet kryesore për interesimin e Barcelonës për argjentinasin 22-vjeçar, është zëvendësimi i Luis Suarez, pasi tashmë në moshën 33-vjeçare më e mira e uruguaianit ka kaluar.
Ndërkohë ka qenë pikërisht, Suarez i cili ka vlerësuar maksimalisht cilësitë e Martinezit, për të cilin thotë që është një “numër 9” perfekt me lëvizje fantastike brenda zonës.
“Lautaro ka përparuar shumë duke luajtur në Itali, ai është një numër i vërtetë 9 me lëvizje fantastike brenda zonës. Është e rëndësishme që klubi ynë të vazhdojë të kërkojë lojtarë të tillë që mund të na ndihmojnë në qëllimin tonë për të fituar gjithçka”.
