Një tjetër pacient ka ndërruar jetë në Kosovë nga COVID-19 duke e çuar në pesë numrin e viktimave gjithësej.
Lajmi është bërë i ditur nga Instituti Kombëtar i Shëndetësisë Publike të Kosovës.
Në njoftimin e IKSHPK-së shkruan se për pesë rastet e vdekjes, “kanë pasur sëmundje të tjera shoqëruese (rasti i fundit nga Klinika Infektive me sëmundje shoqëruese infiltrim pulmonar, diabet tip 2, nefropati diabetike, tumor i gjëndrrës mbiveshkore të majtë, hipertension arterial dhe obezitet)”.
Mediat kosovare bëjnë të ditur sipas burimeve të tyre se viktima e pestë ishte dërguar nga emergjenca në Infektivë në një gjendje të rëndë. Ato shkruajnë se ai ka ka qenë pa vetëdije dhe ka vdekur rreth orës 20:00 të mbrëmjes së djeshme.
Gjithësej në Kosovë janë regjistruar 184 raste me COVID-19, ku 30 prej tyre janb shëruar.
