Administrata Trump i kërkoi sot Kongresit një tjetër fond prej 250 miliardë dollarësh në formë asistence urgjente për biznesin e vogël amerikan që po vuan pasojat e pandemisë së koronavirusit.
Në një postim në Twitter, Sekretari i Thesarit, Steven Mnuchin, njoftoi se e ka konsultuar propozimin me udhëheqësit e Kongresit.
At the direction of President @realDonaldTrump, I’ve spoken with @SenateMajLdr, @SenSchumer, @SpeakerPelosi, and @GOPLeader to secure an additional $250 billion for the #PPPLoan program to make sure small businesses get the money they need!
— Steven Mnuchin (@stevenmnuchin1) April 7, 2020
Nëse miratohet nga Kongresi, ky fond do t’i shtohet 349 miliardë dollarëve në formën e kredive të buta, të miratuara më 27 mars, si pjesë e masave stimuluese ekonomike me vlerë totale prej 2.3 trilionë dollarësh.
Vetëm pak përpara njoftimit të Sekretarit Mnuchin, udhëheqësi republikan në Senat, McConnell, deklaroi se “është bërë e qartë me shpejtësi se Kongresi duhet të miratojë fonde të mëtejshme për këtë program jetësor”./VOA
