Pandemia e koronavirusit e ka gjunjëzuar futbollin italian por dëshira për të vazhduar sezonin ekziston nga të gjitha palët. Për këtë arsye FIGC po tenton të krijojë një model të ri kalendarik për të përfunduar sezonin që u pezullua.
Kështu drejtuesit të Serie A po konsiderojnë mundësinë për të luajtur 12 ndeshjet e mbetura të ligës në Romë.
Sipas “La Repubblica”, ideja është, në rast ekstrem, do të përfshinte transferimin e të gjitha 20 skuadrave, lojtarëve dhe stafit të ligës në Romë, në një mbyllje që do të zgjaste 45 ditë.
Sesione të stërvitjes dhe ndeshjet do të luheshin në objektet në dispozicion të kryeqytetit me masa sigurie pa praninë e tifozëve.
