Pas kërkesës së PD-së se Qeveria duhet të lejojë ekspertët të kryejnë testim të zgjeruar për koronavirusin, ka ardhur një reagim nga kryeministri Edi Rama.
Përmes një postimi në Twitter, kreu i qeverisë shprehet se PD ia fut kot dhe se për testet nuk vendos qeveria, por Komiteti Teknik i Ekspertëve.
“A mundet dikush t’ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë!
Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe PIKË! PD i’a fut kot.PIKË!” – shkruan Rama.
Kujtojmë se përplasja mes mazhorancës dhe qeverisë vazhdon prej disa ditësh për numrin e testeve të COVID-19, madje edhe vetë kreu i opozitës Lulzim Basha i ka bërë apel qeverisë që të rritë numrin e testeve, për të zvogëluar pasojat.
