Pse Spanja kishte pothuajse 11 mijë viktima nga pandemia e coronavirusit ndërsa Portugalia më pak se 200?
Një diferencë kaq e madhe në shifra në Gadishulin Iberik është mister, por mund të jetë pjesërisht e shpjegueshme nga përdorimi i ndryshëm i vaksinës në të dy vendet. Nuk flitet për një vaksinë kundër COVID-19, sëmundjes që shkaktohet nga coronavirusi i ri pasi një e tillë nuk ekziston ende, por për një vaksinë disa dhjetëra vjeçare që duket se mund t’i japë një shpjegim.
Një studim i ri shkencor ka zbuluar një korrelacion të mundshëm midisi vendeve ku është e detyruar me ligj vaksinimi kundër tuberkulozit dhe impaktit të coronavirusit të ri.
“Zbuluam se vendet pa politika universale për vaksinimin kundër tuberkulozit (Italia, Holanda, Shtetet e Bashkuara) janë më të prekura sesa vendet ku vaksinimi i turberkulozit është i detyrueshëm me ligj”, shkruajnë autorët e studimit.
Vaksinimi i tuberkulozit në vende të ndryshme të botës
“Ka pasur raportime se vaksina e tuberkulozit mund të prodhojë një mbrojtje të gjerë kundër infeksioneve respiratore”, thotë Gonzalu Otazu, hulumtues në Institutin e Teknologjisë së Nju Jorkot dhe një prej bashkëautorëve të studimit.
“Ne i kemi parë të dhënat: shtetet që nuk e kanë të detyrueshme me ligj vaksinimin e tuberkulozit kanë qenë më të prekura nga COVID-19, me një numër të lartë viktimash për frymë”.
Italia, vendi me numrin më të lartë të viktimave nga COVID-19, nuk e ka aplikuar asnjëherë vaksinimin e tuberkulozit në mënyrë universale.
Japonia, ku u raportuan vetëm 63 viktima nga coronavirus dhe ka marrë masa më të lehta kufizuese, ka një sistem universal të vaksinimit të tuberkulozit.
Hulumtuesit gjithashtu krahasuan Japoninë me Iranin, dy vende qe kanë aplikuar vaksinimin por në kohë të ndryshme.
Japonia e nisi politikën e vaksinimit kundër tuberkulozit në 1947 ndërsa Irani në vitet 1984. Japonia ka 100 viktima më pak në 1 milion banorë në krahasim me Iranin.
“Vendet të cilat kishin një fillim më të vonshëm të politikave të vaksinimit (Irani në 19840) kishin vdekshmëri të lartë, e cila konsiston me idenë se vaksinimi ndaj tuberkulozit ka mbrojtur popullsinë e të moshuarve”, shkruajnë autorët.
Ne gjithashtu zbuluam se kjo vaksinë gjithashtu reduktone numrin e rasteve të raportuara me COVID-19 në vend.
Impakti i ndryshëm i coronavirus në Europën Perëndimore dhe Lindore
Hulumtuesit mund ta shpjegojnë diferencës midis impaktit të coronavirus në Europën Perëndimore dhe Lindore sepse politikat e vaksinimit universal të tuberkulozit ishin gjerësisht të përhapur në vendet e ish Bashkimit Sovjetik.
Shtetet lindore të Gjermanisë, kishin numër më të ulët të rasteve në 100 mijë banorë sipas Institutit Robert Koch.
Në Spanjë, vendi i dytë me nurmin më të lartë vdekjeve në botë, vetëm një rajon, vetëm zona baske e përfshin vaksinën e tuberkulozit në politikat e tyre zyrtare të vaksinimit.
Vaksina nga një shekull më parë
Shkencëtarët francezë filluan të zhvillonin vaksinën e tuberkulozit, të njohur edhe si BCG, në vitin 1908 ndërsa testimet tek njerëzit filluan në 1921. Emri BCG, Bacillus Calmette-Guerin, vjen nga emrat e dy bakteriologëve që e shpikën atë Albert Calmette dhe Camille Guerin.
Tuberkulozi shkaktohet nga një bakter që sulmon mushkëritë, sëmundja përhapet nga kontakti me personat e infektuar përmes kollës dhe teshtimave.
Sëmundja nisi të bëhej e shpeshtë pas Luftës së Dytë Botërore dhe përdorimi i ilaçit u përhap gjatë viteve 1950, kur u hapën spitale të mëdha të specializuara për trajtimin e pacientëve me tuberkuloz.
Tuberkulozi është një sëmundje shumë ngjitëse dhe pavarësisht se sot është e parandalueshme dhe e kurueshme, çdo vit 10 milionë persona sëmuren prej të cilëve 1.5 milionë nuk arrijnë të mbijetojnë, sipas Organizatës Botërore të Shëndetësisë.
