SHBA-ja, ka kaluar pragun prej 10.000 të vdekur si pasojë e koronavirusit të ri që prej fillimit të pandemisë.
Në 24 orët e fundit janë regjistruar 1.150 të vdekur të tjerë duke e çuar në 10783 numrin në total të viktimave, sipas të dhënave të Univrsitetit Johns Hopkins.
Vendi numëron zyrtarisht më shumë se 366.000 raste të infektuara, pothuajse 30.000 raste më shumë se 24 orë më parë.
SHBA-ja është vendi që numëron më shumë raste të deklaruara zyrtarisht me COVID-19.
Numri i të vdekurve si pasojë e koronavirusit në ShBA është rritur që prej disa ditësh prej më shumë se 1.000 të vdekur çdo ditë, duke iu afruar pak nga pak bilancit të Italisë me 16.523 të vdekur dhe Spanjës me 13.005.
