Janë zbardhur detajet nga rastet e reja me COVID-19 në vendin tonë të konfirmuara nga ministria e Shëndetësisë.
Mësohet se për tre rastet në Has, bëhet fjalë për tre punonjës të Policisë Kufitare në Has, të cilët kanë rezultuar pozitiv me COVID-19.
Ata janë izoluar në banesat e tyre së bashku me familjarët.
Ndërsa për dy rastet në Durrës, mësohet se bëhet fjalë për një çift të moshës 37 dhe 39 vjeç.
Burime bëjnë me dije se ata janë komshinj me një prej të infektuarëve të mëparshë.
Deri më tani në vendin tonë janë konfirmuar 377 raste me COVID-19, 116 prej tyre janë shëruar ndërsa 21 kanë ndërruar jetë.
