138 viktima janë regjistruar në 24 orët e fundit nga koronavirusi në Gjermani, duke e çuar në 1584 numrin në total
Ndërkohë që rastet e konfirmuara me Covid-19 e kanë tejkaluar 100,000.
Shifrat u publikuan mëngjesin e kësaj të hëne nga firma e analizës së të dhënave Risklayer dhe Instituti i Teknologjisë Karlsruhe.
Në 24 orët e fundit janë konfirmuar 4024 raste të reja të koronavirusit, duke e çuar totalin në 100.132.
Gjermania aktualisht ka numrin e katërt më të lartë të rasteve nga koronavirusi në botë, pas SHBA-ve, Spanjës dhe Italisë, por numri i të vdekurve mbetet shumë më i ulët se tre vendet më të goditura.
