Ish-ministri i Shëndetësisë, Tritan Shehu thekson se Sqhipëria ka humur shumë kohë në përgatitjen kundër koronavirusit.
Me anë të një reagimi në Facebook, Shehu shkruan se sot qeveria në vend që të bëjë përpjekje reale kudnër kësaj sëmundjeje dhe tu vijë në ndihmë qytetarëve vijon pandërprerje propagandën.
Postimi i Shehut:
Edhe sot ka shumë për të bërë!!
Duke ju rikujtuar emisionin Opinion të datë 27 Janar, dëshiroj të them se Shqipëria humbi shumë kohë për t’u përgatitur ndaj epidemisë, qofte kjo në kapacitetet testuese, mbrojtëse ndaj personelit, instruksionit të tij, mobilizimit të kujdesit parësor, klinikave në të gjithë territorin, terapive intensive si baza e luftimit të komplikacioneve, kapaciteteve laboratorike etj etj.
Në atë diskutim mediatik të asaj mbrëmje theksova domosdoshmërinë e masave pregatitore, veçanërisht në sektorin mjekues.
Megjithëse që atëherë kemi ecur shumë ngadalë e pa qartësi, theksoj se dhe sot ka shumë e shumë për të bërë akoma, askush nuk mund të parashikojë zhvillimet e nesërme, pra të pregatitemi për më të keqen, siç po bëjnë vendet e zhvilluara kudo, por jo me fjale e propagande si neve.
Vetëm kështu mund të përballojmë çdo skenar të mundshëm.
