Policia ka vënë në pranga një 42-vjeçar në Mallakastër, pasi tentoi të vidhte një sasi parash në një magazinë në fshatin Dukas.
I arrestuari është shtetasi N. A., i cili rezulton të jetë edhe autor i dyshuar i disa vjedhjeve të tjera në këtë zonë.
“Arrestimi i tij u bë pasi është kapur duke tentuar të vidhte një sasi parash në magazinën e shtetasit P. I., në fshatin Dukas, Mallakastër, të cilat u sekuestruan në cilësinë e provës materiale”, thotë policia.
Po ashtu nga kontrolli personal ushtruar të arrestuarit policia gjeti edhe një thikë, e cila u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Vjedhja” dhe “Prodhimi dhe mbajtja pa leje e armëve të ftohta”.
