Litian Broka, drejtori i spitalit të Korçës, ka bërë të ditur se çifti i pensionistëve Yzedini, 79 vjeç dhe Sanija, 78 vjet, kanë lënë sot Spitalin Infektiv të shëruar plotësisht nga Covid 19.
“Shqetësimi për Yzedinin ishte i madh, pasi vuante nga sëmundje respiratorë, por ja doli falë trajtimit me kujdes në Spitalin Rajonal të Korçës dhe inpenjimit të mjekëve të Spitalit Infektiv, shkruan Broka në një postim në rrjetet sociale.
Më tej, ai falënderon edhe stafin mjekësor. “Faleminderit Dr. Pëllumb Pipero për telefonatat pozitive. Në këto dy ditë dhe punën e pa lodhur ne front kundër koronavirusit. Do të them diçka, në zhargonin korçar: “të lutem këtë dorë mbaj”.
