Ish sulmuesi kolumbian i Parmës, Faustino Asprilla, i cili tashmë ka një biznes të tijin të prodhimit të prezervativëve profilaktikë, ka vendosur të dhurojë 100 mijë të tillë për njerëzit në karantinë.
Nëpërmjet një statusi, ku nuk kanë munguar as notat e humorit, kolumbiani ka provuar të bëj edhe marketing për markën e tij të kondomëve, duke thënë se për çdo paketim tresh të vlerë, jepet edhe një i katërt dhuratë.
“Unë kam shumë prezervativë të mbetur në shtëpi (në kompani) dhe dua që njerëzit të më ndihmojnë t’i konsumoj ato, sepse është shumë e vështirë për mua t’i përdor të gjitha. Kam vetëm 3.580,000 prezervativë në inventar derisa të mund të rihapim fabrikën, dhe për të ndihmuar popullsinë, do të jap një kondom një dhuratë për blerjen e një kutie me tre”, shkroi sulmuesi në rrjetet e tij sociale.
Faustino Asprilla ka luajtur për 6 vite me skuadrën e Parmës, ku ka fituar disa trofe të rëndësishëm, si Superkupa e Europës në vitin 1993, Kupën e Italisë në vitin 1999 si dhe dy herë Kupën Uefa (sot Europa League) në sezonet 1994-1995 dhe 1998-1999. Ai gjithashtu ka pasur një eksperiencë tre vjeçare edhe me Newcastle në Premier League, ndërsa pjesën tjetër të karrierës e ka kaluar në Amerikën e jugut.
