Cardi B tregoi përmes një postimi në Twitter se ishte shtruar në spital të mërkurën në mbrëmje, në mes të pandemisë së koronavirusit. Këngëtarja ndau një fotografi nga spitali në një postim të fshirë tashmë dhe shkroi se ishte shtruar pasi vuante nga dhimbja në stomak për katër ditë.
“Sinqerisht, sepse kam pasur disa probleme vërtet të këqija në stomak për katër ditë, shkova në urgjencë mbrëmë. Tani po ndjehem më mirë, shpresoj se nesër nuk do të ndiej më dhimbje”– shkruante ajo.
Reperja nuk dha detaje të mëtejshme në lidhje me diagnozën e saj, por nuk mendohet të ketë lidhje me koronavirusin.
