Real Madrid do të ketë 37 lojtarë në dispozicion për sezonin 2020/21, numër ky shumë i lartë për normën e lejuar.
Kështu sipas ditur Diario AS, Real Madrid duhet të shkurtojë ndjeshëm numrin e futbollistëve në skuadër.
Aktualisht janë 26 lojtarë në listën e skuadrës së parë në klub, ndërsa 11 lojtarë të tjerë do të kthehen nga format e huazimit, që do të thotë se klubi është shumë mbi kuotën e lejuar prej 25 futbollistësh për sezonin e ardhshëm.
Nga lojtarët me profil të lartë, priten largimet e Gareth Bale, James Rodriguez, Luka Joviç dhe Mariano Diaz, të cilët shihen si përparësi e klubit për tu larguar. Gjithashtu janë në pikëpyetje, lojtarë të cilëve u skadon kontrata në verën e vitit 2021, si Luka Modric dhe Lucas Vazques.
Dani Caballos dhe Jeses Vallejo, janë dy lojtarë të cilët gjatë verës do të rikthehen në skuadër nga periudha e huazimit të tyre, por priten që përsëri të ndryshojnë ambient këtë herë përgjithmonë.
Nga huazimi do të kthehen dhe Achraf Hakimi dhe Martin Odegaard, por sipas mediave spanjolle këto dy lojtarë janë në planet e Zinedine Zidane dhe do të qëndrojnë në klub.
Me valixhe në dorë te Real Madrid janë edhe lojtarë si Albert Soro, Luca Zidane, Andriy Lunin dhe Alvaro Tejero, edhe këto të huazuar në klube të ndryshme.
