Atmosferë dimri në Prill. Këtë ditë pranvere, thuajse i gjithë vendi është mbërthyer nga reshjet e dëborës. Jo vetëm zonat e thella malore, por bardhësia ka prekur dhe disa qytete.
Pamje nga Darsi
Autoriteti Rrugor Shqiptar bën me dije se bora është rikthyer në veri të Shqipërisë përkatësisht në rrethet e Dibrës, Kukësit, Shkodrës, Lezhës, Pukës, Peshkopisë dhe Tropojës. Në Dibër dhe në aksin Bajram Curri-Valbonë trashësia e borës arrin deri në 40 cm por në këtë të fundit nuk rekomandohen zinxhirë.
Pamje nga Klosi
Akset problematike sipas ARRSH janë Kuben-Vasie te Kalaja e Dodës ku rekomandihen zinxhirë për shkak të ngricës, borës dhe erës. Po ashtu pjesërisht zinxhirët rekomandihet në akset Qafë Dragalicë-Steblevë dhe Qafë Bualli-Krastë.
Mesditën e kësaj të mërkure rreshjet intensive të borës kanë mbërthyer dhe qarkun e Korçës. Zonat problematike mbeten segmenti i Dardhës, Voskopojës por edhe në Qafën e Qarrit.
