Një efektiv policie në Vorë është infektuar me koronavirus.
Burime bëjnë me dije se ai ka shfaqur simptomat duke detyruar autoritetet shëndetësore, të cilat mësohet se kanë dalë pozitiv me COVID-19.
Mësohet se i infektuari ka qenë pjesë e postblloqeve të policisë në zbatim të masave të marra nga qeveria për parandalimin e përhapjes së koronavirusit në vend.
Ky është polici i katër në vendin tonë që infektohet me COVID-19.
Mësohet se ka nisur testimi i punonjësve të policisë në komisariatin e Vorës dhe familjarëve të tij dhe përgjigjet e testeve pritet të dalin në orët në vazhdim.
Gjithashtu autoritetet kanë nisur të gjurmojnë dhe kontaktet e tij.
Gjithësej në vendin tonë janë konfirmuar 259 raste të infektuar me COVID-19. 15 prej tyre kanë ndërruar jetë, ndërsa 67 janë shëruar.
