Domenico de Padova 33 vjeç dhe Silvia Rosati, 31 vjeçe punojnë si infermierë në repartin e Dializës në spitalin Lorenzo Bonomo në Andria, në Puglia, ku sigurisht po luftojnë për të shpëtuar sa më shumë jetë nga Covid-19.
Që nga fillimi i urgjencës së koronavirusit, ata kanë bashkëpunuar me urgjencat e sëmundjeve infektive. Të fejuar prej 10 vitesh, ata kishin zgjedhur pranverën e 2020 për të celebruar në martesë dashurinë e tyre, por u detyruan të shtyjnë dasmën.
“Unë gjithmonë i kam thyer pak rregullat”, shkroi de Padova në Facebook, ku ai postoi një foto në të cilën puth nusen e tij të ardhshme. “Më pëlqen të guxoj dhe në këtë periudhë ku ne jemi të detyruar të qëndrojmë larg… Jemi afër, sepse çdo sfidë nëse ndahet në dy është më e lehtë”.
