Faktet e fundit po tregojnë se koronavirusi nuk njeh moshë.
Një vajzë 12-vjeçare në Belgjikë ka ndërruar jetë për shkak të COVID19, duke u bërë viktima më e re në botë nga koronavirusi.
Vajza kishte pasur ethe për tre ditë para se gjendja e saj shëndetësore të përkeqësohej, sipas profesorit Steven Van Gucht, i cili është presidenti i komitetit shkencor në Belgjikë.
Van Gucht tha gjithashtu se vdekja në një moshë kaq të re për shkak të koronavirusit është “shumë e jashtëzakonshme”.
Kujtojmë që ditën e djeshme vdiq një 14-vjeçar nga virusi në Portugali, por viktimë e COVID -19 ka mbetur edhe një 16-vjeçare disa ditë më parë në Francë.
Deri më tani ka pasur 705 vdekje për shkak të Covid-19 në Belgjikë me gjithsej 12,775 raste
