Kreu i PD-së Lulzim Basha ka zhvilluar një komunikim virtual me gazetarët ditën e sotme, kushtuar situatës së krijuar në vend nga koronavirusi.
Basha tha se nuk është koha për debat politik por se tani e gjithë energjia duhet të përqendrohet në kalimin e kësaj pandemie sa më lehtë.
I pyetur se çfarë nuk po bën mirë qeveria, në komunikimin e sotëm me gazetarët, Basha theksoi se do ketë një kohë kur të kërkojmë llogari dhe transparencë totale.
“Kjo nuk është koha për një debat politik. nuk është koha për të treguar përgjegjësitë. Qëllimi jonë të mundësojmë që veprimet të kryhen siç duhet dhe në kohë. Pa diskutim do ketë një kohë kur të kërkojmë llogari dhe transparencë totale. Por nuk është koha për të bërë këtë. Tani është koha tek përqendrimi i energjive tona te kalimi i kësaj pandemie me sa më pak viktima”, tha Basha.
Kreu i opozitës, deklaroi dhe se Shqipëria duhet të marrë shembull modelet e vendet fqinje, si Kosova, Maqedonia e Veriut, për t’u ardhur në ndihmë qytetarëve të saj në këtë kohë pandemie.
Kryedemokrati tha se qeveria ka buxhet për të përballuar këtë krizë, ndërsa sugjeroi që të anulohen kontratat koncensionare apo dhe rialokimet për shpenzime operative apo dhe ato të luksit.
Teksa u pyet në lidhje me faktin nëse do të ulej në një tryezë me Ramën për të diktuara mbi mënyrën e daljes nga kjo krizë, Basha tha; “Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.”
“S’ka nevojë që të merreni me modelet e vendeve që kanë fuqiy të tjera. Le të rrimë tek Kosova, Maqedonia e veriut,. Për të parë se si zgjidhen problemet dhe dëshira për të ndihmuar njerëzit. Ne kemi propozuar një paket ë të plotë, që ka të bëjë me aspektin e masave në shëndetësi, detyrimet e shtetit që burojnë nga shpallja e gjendjes së jashtëzakonshme. Efektet e shtresave në nevojë dhe se si mund të garantojmë mirëfunksionimin e institucioneve në këto kohë krize. Përgjigja për pyetjen se ku ti gjej paratë është e qartë; anulo kontratat koncensionare 120 mln euro . Rialoko 140 mln euro, nga shpenzimet operative, luksi, që s’janë domosdoshmëri në kohë krize. Kjo do të administronte një situatë 2-3 mujore krize. Buxheti k a dhe rezerva të tjera për të përballuar krizën. Mos të shohim Amerikën, por Kosovën. Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.”, tha Basha.
