Në një intervistë për Marca, trajneri portugez, Jose Mourinho, ka ndërtuar një formacionin me lojtarët e tij të preferuar, të cilët i ka drejtuar gjatë karrierës së tij 20 vjeçare dhe shumë të suksesshme.
Në portë, “Special One” ka zgjedhur gardianin Petr Cech, të cilin e ka drejtuar te Chelsea dy herë. Në krah të djathtë të mbrojtjes, legjendën zikaltër të Interit, argjentinasin Javier Zanetti.
Në qendër, Mourinho i beson dyshes Terry-Carvalho, ndërsa në të majtë William Gallas. Mesfusha me tre është e përbërë nga Claude Makelele, Frank Lampard dhe Mesut Ozil. Fantazisti gjerman ishte perfekt për Real Madridin kur drejtonte strategu portugez.
Sulmi është i frikshëm: Cristiano Ronaldo dhe Eden Hazard nga krahët, ndërsa në majë, bomberi Didier Drogba. Një formacion vërtetë special nga një trajner special…
Formacioni i Jose Mourinho:
Petr Cech, Javier Zanetti, John Terry, Ricardo Carvalho, William Gallas, Claude Makelele, Frank Lampard, Mesut Ozil, Eden Hazard, Didier Drogba, Cristiano Ronaldo.
