Një pjesë e mirë e personave të infektuar me koronavirus tregojnë sesi një nga simptomat përcjellëse të sëmundjes COVID-19 është humbja pothuajse totale e shijes.
Një shembull konkret dhe shumë domethënës vendosi ta shpërndajë në rrjetet sociale djali I legjendës angleze, Gary Lineker.
28-vjeçari George deklaroi në një video tashmë virale se ka dy javë që ka humbur shqisën, aq sa nuk kupton praktikisht çfarë ka ngrënë ose pirë.
Aq sa edhe diçka që zakonisht konsumohet me pikatore, mund të mos bëj përshtypje. “Ja një sfidë. Po marr një gotë me uthull, po i shtoj pak limon. Dhe po e pi”, thotë anglezi, që teksa konsumon edh epikën e fundit shton se “nuk i bëri asnjë efekt, është shumë e çuditshme”.
