Kryeministri Edi Rama disa herë ka deklaruar për mbështetje lidhur me situatën e krijuar nga koronavirusi në Shqipëri, madje duke publikuar edhe një paketë ndihme për biznesin. Por ajo që bie në sy, përvecc faktit se paketa e ndihmës hyn në fuqi prej 1 prillit, rreth 70 % e bizneseve të vogla nuk përfitojnë. Përmes akteve normative, Qeveria detyroi bizneset të mbyllin aktivitetin prej datës 11 mars, në kuadrin e masave kundër përhapjes së koronavirusit.
Kjo do të thotë se disa qindra mijëra shqiptarë që siguronin të ardhurat nga këto biznese, nuk po mund të përballojnë jetesën dhe aq më shumë të paguajnë taksat në datën 20 prill, sikundër kërkohet nga organet Tatimore.
Një denoncim i mbërritur në redaksinë e Boldneës.al, tregon situatën e vështirë ku ndodhet sot biznesi, ndërsa Kryeministri herë pas herë i kujton gjendjen e luftës që ka shpallur me armikun e padukshëm, por edhe faktin se deti nuk do të bëhet kos, ndaj dhe secili duhet të paguajë detyrimet.
