Pavarësisht se futbolli është pezulluar pothuajse në të gjithë europën, e njëjta gjë nuk mund të thuhet për kampionatin bjellorus. Në këtë vend futbolli vazhdon të luhet pavarësisht frikës ndaj coronavirusit.
Ditën e djeshme, Shakhtyor Soligorsk mori fitoren e parë në kampionat dhe titullar ishte edhe sulmuesi shqiptar, Azdren Llullaku. Ai dha një asist në fitoren 0-2 që skuadra e tij mori në transfertë kundër Gorodeya.
Por momenti më interesant i ndeshjes ishte kur ndeshja ishte 0-1 në favor të Shakhtyor, mesfushori Yuri Kendysh u tregua i pasaktë nga pika e bardhë e 11-metërshit. Lojtari i kombëtares bjelloruse tentoi të bënte një “panenka”, por rezultati nuk ishte aspak ajo që priste lojtari ndërsa topi shkon mbi traversë.
