Për katër ditë rresht kurba e pandemisë së COVID-19, shënoi një tendencë ulje të numrit të pacientëve të infektuar në ditë dhe pse numri i viktimave vazhdoi të ishte në rritje. Viktimat në 24 orë u shënuan në kuotat 600-700 viktima në ditë, por nën rekordin e një jave më parë ku u regjistruan 793 viktima për 24 orë.
Ekspertët shpreheshin optimist se qëndrueshmëria prej 4 ditësh ishte treguesi se masat e qeverisë po jepnin efekt.
Por dita e 26 marsit regjistroi një tendencë në të kundërt të kurbës së pandemisë.
Nurmi i viktimave shkoi në 712 në 24 orë e pacientët e infektuar 6153 më shumë se një ditë më parë e rajoni i Lombardisë regjistroj pikun më të larë të ditëve të fundit me 2543 pacientë të infektuar më shumë.
Po pse ndodhi kjo?
Një nga motivet thelbësore të rritjes së kurbës së pandemisë ka të bëjë me qasjen që sistemi shëndetësor italian ka gjatë javës së fundit me pandeminë.
Brenda një jave Italia ka dyfishuar numrin e tamponeve ndaj popullisë.
E rrjedhimisht nëse analiza në terren rritet dhe nurmi i tamponeve. Deri më datën 15 mars 2020 në Itali ishin kryer vetëm 125 mijë tampone, ndërsa deri më sot numri i tamponeve ka shkuar mbi 361 mijë.
Për të kuptuar më mirë mjaft të shohim tabelën e taponeve të kryera ditë pas dite.
Deri më 8 mars në Itali ishin kryer 45 937. nga data 9 mard deri më 15 mars u kryen 74 962 tampone.
Nga data 16 mars më 22 mars u kryen 133 503 tampone e nga 23 marsi në 26 mars 102 658 tampone.
Kjo fotografi e tamponeve të kryera në Itali është tregues i qartë e shpjegues konkret se rritja e nurmit të tyre ka çuar në identifikimin e rasteve më shumë të pacientëve të infetkuar.
Numri i viktimave është vërtetë shqetësues dita ditës në Itali, por sipas ekspertëve janë tregues të vonuar të pandemisë. Një pasqyrë e ditëve të shkuara.
Një tjetër motiv në kurbën e pandemisë, por me një ndikim të dobët të rritjes së saj është rritja e rasteve të infektuara në pjesën jugore e qëndore të vendit. Numri i pacientëve të infektuar në këto territore është progresive dita pas dite por me rritje të ngadaltë.
Në rajonin e Kampanjës janë verifikuar disa vatra virusi duke izoluar 4 komuna në provincën e Salernos. Në këtë territor numri i pacientë të infektuar është 1310 e janë regjistruar 83 viktima. Ndërsa në qëndër të Italisë në Lazio numri i pacientëve të infektuar është 2096 e viktimat kanë arritur në 106.
