Fluturimet nga Shqipëria janë pezulluar deri në një njoftim të dytë. Autoriteti i Aviacionit Civil ka njoftuar qytetarët se data e rifillimit të fluturimeve do të varet nga ecuria e gjendjes ndërkombëtare.
AAC ka këshilluar qytetarët që të evitojnë blerjen e biletavetë transportit ajror të paktën për javët në vazhdim.
Ndërkohë, në njoftim thuhet se qeveria shqiptare ka vendosur që nëpërmjet kompanisë “Air Albania’, të kryhen fluturime për të bërë të mundur riatdhesimin falas të shqiptarëve të izoluar në vende të ndryshme.
Njoftimi i AAC:
#Njoftim i #rëndësishëm për #qytetarët në lidhje me #transportin #ajror
Në këto kohë të vështira të ndalimit të fluturimeve për/nga Shqipëria, në kuadër të masave të marra nga Qeveria për parandalimin e përhapjes së COVID-19, Autoriteti Aviacionit Civil ndërgjegjësohet me interesin e disa qytetarëve për të udhëtuar për/nga Aeroporti Ndërkombëtar “Nënë Tereza” në drejtim të destinacioneve Evropiane e më tej por thekson se fluturimet për/nga Shqipëria janë pezulluar deri në një urdhër të dytë
Data e rifillimit të fluturimeve do të varet nga ecuria e gjendjes ndërkombëtare, prandaj këshillojmë të gjithë qytetarët të evitojnë blerjen e biletave të transportit ajror nga çfarëdo burimi (kompani ajrore, agjenci apo faqja të ndryshme në internet) të paktën për javët në vazhdim, deri sa të njoftoheni nga kanalet zyrtare për ri-fillimin e fluturimeve.
