Mjeku i njohur Pëllumb Pipero iu përgjigj interesit të qytetarëve teksa ishte i ftuar në emission. Të shumta ishin pyetjet për të cilat Pipero tha se janë shumë të rëndësishme në këtë situatë. Sipas Piperos ky virus është një rrezik dhe nga eksperienca e Italisë dhe e Kinës pjesa më e madhe e atyre që janë intubuar nuk kanë shpëtuar.
“Ne si mjekë lutemi që pacienti të mos kalojë në intubim. Në pjesën më të madhe rikuperimi është i shpejtë, por ata me sëmundje kronike janë të rrezikuar”, tha ai.
Pipero tha se kur nis sëmundja e Covid 19 simptomat vijnë të gjitha bashkë. Shenjat kryesore tha ai janë temperature, kola dhe vështirësia në frymëmarrje.
Ndërkohë lidhur me virusin “Hantavirus” Pipero tha se është një virus shumë i vjetër dhe nuk ka lidhje me koronavirusin. Mund të qëllojë që të aktivizohet në një vend, por nuk ka lidhje me këtë situatë. Pipero tha se epidemia nuk e dim nëse do të rikthehet sërish, pasi ne nuk e dim sesi do të sillet ai. Të gjitha gjasat, tha Pipero janë që virusi të rikthehet. Nëse pëson një mutacion virusi do të jetë shumë më i rrezikshëm tha Pipero në fjalën e tij në emisionin Opinion. Sipas tij shpresa më e madhe është vaksina.
