Përveç pajisjeve mjekësore, në një kohë pandemie, Shqipëria do të marrë nga Turqia edhe një flotë të re ambulancash.
Lajmi është bërë i ditur nga kryeministri Edi Rama, me anë të një postimi në rrjetet sociale.
Kreu i qeverisë shkruan se flota e ambulancave, të cilat do të jenë pjesë e Emergjencave Civile, janë gati për t’u nisur nga Turqia drejt vendit tonë.
Ajo që bie në sy është edhe dizajni kuqezi i auto-ambulancave me simbolin e shqiponjës dy krenare.
“Flota e re e autoambulancave të emergjencave civile gati për t’u nisur nga Turqia drejt Shqipërisë,”– shkruan Rama.
Bashkëngjitur, kryeministri ka shpërndarë edhe disa foto.
