Duke qenë se kanë në dispozion vetëm paraditen qytetarët zgjedhin që të dalin njëkohësisht jashtë për të bërë pazar apo për nevojat e tyre.
Fotot e mëposhtme të realizuara nga Agjencia LSA këtë të mërkurë tregojnë urbanet e mbipopulluara në kryeqytet.
Dhjetëra persona, përgjithësisht me maska dhe doreza, duke mbajtur edhe autorizimet e lëvizjes në duar, shihen teksa hipin në urban, duke qëndruar shumë pranë njëri-tjetrit.
Kjo bën që qytetarët të jenë rrezikuar për t’u infektuar me COVID-19.
Edhe në rrugë të ndryshme në kryeqytet, gjatë orarit të lejuar për lëvizje, ka pasur qarkullim të madh makinash dhe njerëzish, që jo gjithmonë respektojnë distancën e rekomanduar nga autoritetet.
