Përhapja e Koronavirusit në të gjithë botën ka bërë që sytë dhe shpresa të jenë të drejtuara nga mjekët.
Aktori i humorit Julian Deda ka risjellë në vëmendjen e ndjekësve talentin dhe përkushtimin e mjekëve shqiptarë të cilët ndodhen në të gjithë botën. Në këto ditë të vështira ata janë në krye të punës duke bërë të pamundurën për t’i ardhur në ndihmë të sëmurëve.
Juli ka shprehur keqardhjen që shumë mjekë dhe infermierë janë larguar nga vendi për të ushtruar profesionin në një vend tjetër.
“Një të mirë e paska kjo situatë. Po shohim se sa shumë shkencëtarë dhe mjekë shqiptarë punojnë suksesshëm në çdo cep të planetit. Më vjen mirë që janë të rëndësishëm aty ku janë por më vjen keq që s’janë në Shqipëri” – shkruan Juli në postimin e tij.
