Pas lajmit se kreu i Urgjencës Kombëtare Skënder Brataj ka rezultuar pozitiv me COVID-19 ka ardhur dhe një reagim nga Presidenti Ilir Meta.
Në një postim në rrjetet sociale kreu i shtetit, teksa shpreh solidaritet edhe familjes së tij në këto momente të vështira, bën thirrje që e rëndësishme dhe prioritare është të forcohen masat mbrojtëse për të gjithë mjekët, infermierët, sanitarët dhe personelin mbështetës
Postimi i plotë i Metës:
Uroj shërim të shpejtë për Drejtorin e Urgjencës Kombëtare, Dr.Skënder Brataj.🙏
I shpreh solidaritet edhe familjes së tij në këto momente të vështira, besimplotë se sërish do t’i bashkohet ekipit të mjekëve në vijën e parë të luftës me pandeminë 🔴#COVID19.
Është tepër e rëndësishme dhe prioritare të forcohen masat mbrojtëse për të gjithë mjekët, infermierët, sanitarët dhe personelin mbështetës, të cilët me përkushtim, profesionalizëm dhe sakrifica të jashtëzakonshme janë të ekspozuar përballë një rreziku të madh, në mbrojtje të shëndetit të çdo qytetari. ❤👨⚕
