Pas lajmit se Këshilli i Ministrave të BE-së, ka vendosur që të japë dritën e gjelbër për çeljen e negociatave me Shqipërinë, ka ardhur dhe një reagim nga ambasadorja amerikane në Tiranë, Yuri Kim.
Përmes një postimi në Twitter, ambasadorja Kim shpreh se vendimi i marrë më në fund e shpërblente punën që kishte bërë Shqipëria, dhe se SHtetet eBashkuara të Amerikës do të vazhdojnë të mbështesin reformat në vendin tonë.
“Vendimi i Bashkimit Europian për të hapur bisedimet e pranimit me Shqipërinë pasqyron punën e palodhur nga qeveria shqiptare dhe qytetarët. SHBA do të vazhdojë të mbështesë fuqimisht reformat dhe hapat e tjerë të nevojshëm për të arritur anëtarësimin. Urime dhe suksese!,”-shkruan Kim.
