Futbollisti i Everton, Morgan Schneiderlin, është i mendimit që futbolli në këto momente është në planin dytësor, ndërsa duhen të merren vendimet më të mirë të mundshme për të luftuar coronavirusin.
17 prilli është edhe data në të cilën, Evertoni, ka planifikuar të rikthehet në stërvitje, por 30 vjeçari mendon se kjo datë është shumë herët.
“Liga do të marrë vendimin më të mirë të mundshëm,” tha Schneiderlin. “Futbolli vjen i dyti këtu. Do të duhet të përshtatemi.
“Klubi na ka dhënë datën 17 Prill për t’u rikthyer në stërvitje. Kjo me duket mbase pak herët. Ne jemi të gatshëm të luajmë deri në gusht nëse kjo është ajo që është e nevojshme.
“Unë e di se do të jetë e vështirë me kontratat e lojtarëve të caktuar që do të përfundojnë në qershor.
“Shpresoj se do të shtyhet për pak më gjatë sepse atëherë do të jem në gjendje të luaj përsëri këtë sezon.”, përfundoi ai.
Ashtu si në të gjitha kampionatet elitare në europë, edhe Premier League deri në këto momente nuk ka asnjë datë fikse për rikthimin e futbollit.
