Në 24 orët e fundit, në Itali, kanë humbur jetën 651 persona të cilët ishin të prekur me koronavirus (dje ishin 793), shifra këto që cojnë në total në 5476, numrin e viktimave.
3,957 të infektuar të rinj, më pak se dje kur u regjistruan 4821, gjithsej 46.638.
Të shëruar 952 brenda një dite, gjithsej 7024.
Në kujdesin intensiv 3009 pacientë, 152 më shumë se dje.
Shifrat e reja i konfirmoi komisioneri i urgjencës Angelo Borrelli gjatë konferencës për shtyp në Mbrojtjen Civile.
Më herët, u raportua se në Romë, 12 punonjës të Mbrojtjes Civile kanë rezultuar pozitivë me koronavirus. Të gjithë këta persona punojnë në të njëjtin departament, në veri të kryeqytetit italian. Ndërkohë, shefi i Mbrojtjes Civile në Itali, Angelo Borrelli, ka dalë negativ. Sipas “La Repubblica”, 12 punonjësit janë në karantinë në shtëpitë respektive.
