Policia dhe ushtria janë angazhuar ditën e sotme për të siguruar radhët e distancave në hyrje dhe brenda pikave të shërbimeve ushqimore dhe farmaceutike.
Kështu njofton kryeministri Edi Rama përmes një postimi në rrjetet sociale, ku iu kërkon qytetarëve që të ruajnë distancat.
Krahas fotove nga vendi ynë, kreu i qeverisë ka postuar dhe pamje nga shtetet e tjera, të cilat ia u paraqet si shembuj shqiptarëve.
Postimi i Ramës:
POLICIA DHE USHTRIA JANË ANGAZHUAR SOT NË SIGURIMIN E RADHAVE E TË DISTANCAVE NË HYRJE E BRENDA PIKAVE TË SHËRBIMEVE USHQIMORE DHE FARMACEUTIKE!
🔴 JU PËRGJËROHEM TË GJITHËVE TË MBAJNË RADHËN SI NJERËZ TË RREZIKUAR NGA BOMBAT E PADUKSHME QË SJELLIN VDEKJE, VUAJTJE, ZGJATJE TË PAFUNDME TË KËSAJ LUFTE🙏
🔴 BASHKËNGJITUR SHEMBUJ SE SI E LUFTON BOTA ARMIKUN KUR SHKON PËR TË BLERË USHQIME E ILAÇE, MADJE EDHE PARA DYQANIT NË ARMËVE APO NË SHTËPINË E ZOTIT RRINË NË RADHË E NË DISTANCË!
