Një 54-vjeçar i shpallur në kërkim ndërkombëtar është vënë në pranga nga policia e Elbasanit në bashkëpunim me Interpol Tirana.
Bëhet fjalë për shtetasin Leonard Kote (Taçi), banues në Elbasan.
Ai do të ekstradohet drejt Italisë, pasi Gjykata e Bergamos e ka dënuar me 14 vjet burg, për veprat penale “Vrasja e mbetur në tentativë”, “Vjedhja e armës së zjarrit” dhe “Mbajtja pa leje e armës së zjarrit në vende publike”, parashikuar nga Kodi Penal italian.
Veprimet e mëtejshme për këtë shtetas do të kryhen nga Zyra e Interpolit Tiranë.
