Shumë lojtarë teksa qëndrojnë në shtëpitë e tyre për shkak të coronavirusit, kanë nisur një sërë sfidash në rrjetet sociale. Një ndër to është edhe ajo e letrës higjienike.
Lojtarët mbajnë letrën higjienike me këmbë, duke treguar edhe anën teknike të lartë të tyre por ndryshe është rasti i Felipe Melos. Braziliani njihet nga të gjithë për agresivitetin e tij në fushën e lojës, ku nuk mbahen mend rastet kur ai është ndëshkuar me karton të kuq, për shkak të ndërhyrjeve të ashpra ndaj kundërshtarëve.
Edhe në këtë rast, Melo, ka treguar atë se çfarë di të bëjë më mirë. 36-vjeçari e lë letrën në tokë merr vrull dhe ndryshe nga gjithë të tjerët, bën një sparkatë, të cilën e ka ndarë me ndjekësit e tij në rrjetet sociale.
