Gjyqtari i Gjykatës së Rrethit Gjyqësor Mat, Ali Koleci është ndarë nga jeta në orët e para të kësaj të enjteje.
I ndjeri, prej ditësh ndodhej i shtruar në spital prej ditësh dhe ishte në gjendje të rëndë shëndetësore, për arsye ende të paqarta
Koleci e ka nisur karrierën e tij si mësues në vitet ’90-të, ndërsa më pas është përfshirë në sistemin e drejtësisë. Ai punoi për shumë vite në gjykatën e Matit ku ka mbajtur edhe postin e kryetarit të kësaj gjykate. Falë këmbënguljes së tij dhe bashkëpunimit me qeverinë e Mbretërisë daneze u ndërtua gjykata e rrethit Gjyqësor Mat, nga fondacioni “Danida”.
Ali Koleci ishte baba i tre fëmijëve. Ndarja nga jeta në mënyrë të papritur ka tronditur të afërm, miq e kolegë të tij.
