Një i moshuar në kryeqytet duket se nuk e ka respektuar urdhërin e kryeministrit Rama, atë të kufizimit të daljes vetëm në fashat orare 06:00 – 10:00 dhe 16:00 –18:00.
Ndoshta dhe për shkak të mungesës së informacionit, ai ka shkuar në orarin e mesditës për të bërë pazar.
Siç duket nga pamjet e mëposhtme të ndara bfa gazetarja Esiona Konomi, në kthim, me qeset në duar, i moshuari është ulur pranë Lulishtes tek Stadiumi Dinamo, ku beftazi janë shfaqur autoritetet për t’i komunikuar urdhërin dhe për ta larguar që aty.
Por ata nuk e kanë ndihmuar aspak për qeset e rënda që kishte.
Gazetarja Konomi, pyet se a mos do të ishte vallë më mirë që polic dhe ushtar, para se ta njoftonin për t’u larguar, ta ndihmonin me çantat që kishte në duar?
“Ka bërë pazaret, nuk po i ngrë dot. Po pushon. Por ushtari e polici, në vend që ta ndihmojnë me ngarkesën, e urdhërojnë të largohet nga parku. Sikur do jua bënte shpenzimet shërbimi social pensionisteve apo jo?”, shkruan Konomi.
