Sulmuesi i Real Madrid, Luka Jovic, nuk i është bindur urdhrit të karantinës dhe izolimit për dy javë në momentin që ka mbërritur në Beograd nga Madridi. Jovic nuk ka dashur të respektojë protokollin e shtetit dhe për këtë arsye është denoncuar zyrtarisht dhe është ngritur padi mbi të.
Arsyeja e mosbindjes është pasi futbollisti, ka pasur ditëlindjen e të fejuarës dhe ka dalë të festojë jashtë shtëpisë. I pranishëm me Joviç ka qenë edhe futbollisti i Ascolit, Ninkovic që luan te Ascoli.
Të dy futbollistët janë kritikuar nga kryeministrja e Serbisë, Ana Brnabic, si shembull i keq për pjesën tjetër të popullatës. “Ne kemi shembullin e keq të dy futbollistëve, të cilët edhe pse të paguar mjaft mirë, injorojnë urdhrin e vetë-izolimit pasi u kthyen në atdhe, çfarë mund të presim nga pjesa tjetër e popullatës?”- ka thënë Brnabic.
