Ish-presidenti i Real Madrid, Lorenzo Sanz, është prekur nga coonavirusi dhe për pasojë ndodhet në kujdes intensiv në një spital spanjoll.
Sipas “Marca” dhe gazetës “Ideal” gjendja e 76-vjeçarit është e rënduar. Djali i tij Fernando ish-futbollist i Realit, ka folur për mediat spanjolle duke thënë se babai i tij kishte shfaqur simptomat e virusit në ambientet e shtëpisë ndërsa në spital u shtrua vetëm kur gjendja e tij u përkeqësua.
“Babai im kishte ethe për tetë ditë dhe merrte vetëm paracetamol. Gjendja e tij u përkeqësua sepse nuk po mund të merrte frymë lirisht. Gjendja është e keqe” – ka thënë ndër të tjera Fernando Sanz.
Lorenzo Sanz ishte president i Real Madrid nga viti 1995 deri në vitin 2000, ndërsa është përgjegjës direkt për afrimin në skuadër të mbrojtësit Roberto Carlos dhe trajnerit Fabio Capello.
