Këngëtari Robert Berisha ka lëshuar gafën e radhës në rrjete sociale. Ai ka postuar foton e një linje ajrore kineze, me një mbishkrim tepër racist, lidhur me popullin kinez.
“Veç më vjen keq për Bruce Lee, se këtyre lakuriqëve, bombë atomike në gojë!”- shkruan Robert Berisha bashkëngjitur fotos me avionin “Air China”.
Kina ishte vendi i parë në botë ku u shfaq virusi vdekjeprurës, Covid-19, duke sjellë mijëra të vdekur. Shumë njerëz në mbarë botën kanë treguar, që pas kësaj epidemie, sulme raciste ndaj kinezëve, duke i bërë fajtorë për virusin që tashmë është një pandemi.
Por, këto sulme raciste nga një këngëtar, nuk japin aspak një shembull të mirë, duke fajësuar dhe kërcënuar një popull, për një virus që tashmë po e lufton gjithë bota, koronavirusin.
