Përkeqësohet gjendja shëndetësore e dy personave të prekur nga Covid 19, që ishin karantinuar në banesën e tyre në fshatin Dërnënas në Fier.
Mësohet se babë e bijë kanë pasur një përkeqësim të parametrave, çka ka detyruar mjekët që ti transportojnë me urgjencë drejt spitalit Infektiv në Tiranë.
Ndërkohë, personi i tretë në familjen e vetëkarantinuar, s’ka pasur shenja të përkeqësimit dhe do të qëndrojë në banesë.
Sikundër raportohet, 17 mjekë të spitalit të Fierit sot do t’i nënshtrohen testit ndaj Covid 19. Mjekët dhe infermierCt janë vetëkarantinuar pas shfaqjes së rastit të parë me Covid 19 në Fier.
Një ekip i ISHP ka shkuar për marrjen e tamponeve dhe pritet që analizat të dalin në orët e pasdites.
Mjekët dhe infermierët kanë pasur kontakte me një 61-vjeçare që rezultoi e prekur nga Covid 19, por nuk u tregoi mjekëve mbi udhëtimin në Itali.
Në Shqipëri numri i të prekurve nga Covid 19 ka arritur zyrtarisht në 51 persona.
Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier.
