Komiteti Ndërkombëtar Olimpik (IOC) ka zhvilluar sot konsultimet me Federatat Ndërkombëtare të Sporteve Olimpike Verore.
Sipas IOC, momentalisht nuk ka nevojë të merren vendime drastike për mundësinë e shtyrjes së LO Tokio 2020.
“Situata rreth virusit COVID-19 po ndikon në përgatitjet për Lojërat Olimpike Tokio 2020 dhe gjendja po ndryshon dita ditës. IOC mbetet plotësisht i angazhuar në Lojërat Olimpike Tokio 2020, dhe kur kanë mbetur më shumë se katër muaj, nuk ka nevojë për ndonjë vendim drastik në këtë fazë dhe çdo spekulim në këtë moment do të ishte kundër-produktiv”,
“IOC inkurajon të gjithë sportistët të vazhdojnë të përgatiten për Lojërat Olimpike Tokio 2020 sa më mirë që munden. Ne do të vazhdojmë t’i mbështesim sportistët duke u konsultuar me KO përkatëse”. – thuhet ndër të tjera në komunikatën e gjerë të Komitetit Olimpik Ndërkombëtar.
Po ashtu, është krijuar një grup emergjent për të bërë ndryshime në sistemet e kualifikimit të propozuara nga Federatat Ndërkombëtare.
https://twitter.com/christophclarey/status/1239939759817887744
