Silvio Berlusconi, apo siç e quajnë në Itali “kavalieri” ka vendosur të japë kontributin e tij në luftimin e pandemisë së Coronavirusit.
Ish-presidenti i Milanit, ka vendosur të vërë në dispozicion të krahinës së Lombardisë nëpërmjet një donacioni shumën prej 10 milionë eurosh, e domosdoshme për të ngritur një repart të ri të terapisë intensive me kapacitet 400 shtretër në spitalin e Milanos apo në qendrat e pritjes së të sëmurëve.
Një gjest për t’u duartrokitur në këto momente të vështira që po kalon Italia, ku ndihma e gjithsecilit merr një kuptim domethënës për mbrojtjen e jetës së njerëzve.
