Ambasada e Shqipërisë në Austri u ka bërë thirrje sot të gjithë shtetasve shqiptarë, tё cilët duhet tё kthehen nё Shqipёri nё njё kohё tё afёrt, tё mos humbasin kohё, por tё kthehen nё Shqipёri menjёherё pёr tё mos mbetur tё bllokuar.
Ambasada ka theksuar se aktualisht, nga Austria drejt Shqipёrisё mund tё udhёtohet vetёm nёpёrmjet rrugёs ajrore, por mundet që edhe udhëtimet ajrore të ndalohen në kuadër të masave të autoriteteve për parandalimin e përhapjes së COVID-19.
“Tё nderuar bashkatdhetarë! Nё kuadёr tё masave të marra nga autoritetet e vendeve të ndryshme për frenimin e përhapjese së koronavirusit, i bёjmё thirrje tё gjithё shtetasve shqiptarё qё gjenden nё Austri pёr turizёm apo shёrbim, si dhe shtetasve shqiptarë, tё cilët duhet tё kthehen nё Shqipёri nё njё kohё tё afёrt, tё mos humbasin kohё, por tё kthehen nё Shqipёri menjёherё pёr tё mos mbetur tё bllokuar”, thuhet në njoftimin e Ambasadës shqiptare në Austri.
“Aktualisht, nga Austria drejt Shqipёrisё mund tё udhёtohet vetёm nёpёrmjet rrugёs ajrore. Lutemi tё nxitohet, pasi mundet që edhe udhëtimet ajrore të ndalohen në kuadër të masave të autoriteteve për parandalimin e përhapjes së COVID-19”, ka shtuar Ambasada.
“Shqipёria dhe vendet fqinje i kanё mbyllur kufijtё tokёsorё me njëri-tjetrin, por Aeroporti i Rinasit mbetet i hapur me fluturime, tё cilat po vijnё duke u reduktuar. Tё gjithё shtetasit shqiptarё, me banim të përhershëm nё Austri janё tё lutur tё ndjekin udhёzimet e autoriteteve vendase, tё qёndrojnё nё shtёpitё e tyre dhe tё evitojnё udhёtimet jo tё domosdoshme”, ka përfunduar njoftimin e saj Ambasada e Shqipërisë në Austri.
Ambasada shqiptare në Slloveni: Qëndroni në shtëpi, evitoni udhëtimet që nuk janë të domosdoshme
Ambasada shqiptare në Slloveni u ka bërë sot thirrje të gjithë shtetasve shqiptarë me banim në Slloveni të qëndrojnë në shtëpitë e tyre, të evitojnë udhëtimet që nuk janë të domosdoshme, si në masë e detyrueshme për mbrojtjen nga Coronavirusi.
Në një njoftim për shtyp, ambasada e Shqipërisë në Slloveni po ashtu, ka bërë thirrje “të gjithë shtetasve shqiptarë, që ndodhen në Slloveni për arsye të ndryshme, ose edhe shtetasve shqiptarë që udhëtojnë përmes territorit të Sllovenisë nga vende të tjera evropiane në drejtim të Shqipërisë të tregohen të kujdesshëm”.
Ambasada ka theksuar se, “vendet në drejtimin e lëvizjes për në Shqipëri, si Kroacia, Serbia, Bosnja dhe Hercegovina dhe Mali i Zi po zbatojnë masa tepër kufizuese të hyrjes në vendet e tyre. Për çdo sqarim dhe informacion, lutemi drejtohuni në: Tel. +386 1 547 3650, Tel. Emergjencës, +386 31 240 760 dhe e-mail: [email protected]”.
Ambasada thirrje shqiptarëve në Rumani: Qëndroni mbyllur në shtëpi, ata që janë për turizëm të kthehen sa më parë në Shqipëri
Ambasada e Shqipërisë në Rumani u ka bërë thirrje sot të gjithë shtetasve shqiptarë, që për të evituar sa më shumë përhapjen e koronavirusit të qëndrojnë sa më shumë që të jetë e mundur në shtëpi dhe të evitojnë udhëtimet që nuk janë të domosdoshme.
Gjithashtu ambasada u bën thirrje shtetasve shqiptarë që gjenden në Rumani për shërbime apo turizëm, të kthehen pa humbur kohë në Shqipëri, për të evituar mbetjen të bllokuar në rast të mbylljes së kufijve.
“Të dashur bashkëatdhetarë, në vijim të situatës së krijuar nga përhapja e coronavirusit në Rumani, Ambasada e Republikës së Shqipërisë në Bukuresht, ju bën thirrje se është e rëndësishme dhe thelbësore të ndiqen të gjitha udhëzimet dhe kufizimet e njoftuara nga autoritetet rumune, për të evituar dhe parandaluar sa më shumë përhapjen e këtij virusi. Qëndroni sa më shumë që të jetë e mundur në shtëpitë tuaja dhe evitoni udhëtimet që nuk janë të domosdoshme, thuhet në thirrjen e Ambasadës së Shqipërisë në Rumani.
“Siç jeni në dijeni, Presidenti i Rumanisë, duke filluar nga sot, datë 16 mars 2020, ka shpallur gjendjen e emergjencës në vend, e për pasojë do të merren masa të jashtëzakonshme. Prandaj, ju bëjmë thirrje shtetasve shqiptarë që gjenden në Rumani për shërbime apo turizëm, të kthehen pa humbur kohë në Shqipëri, për të evituar mbetjen të bllokuar në rast të mbylljes së kufijve”, thekson Ambasada e Shqipërisë në Rumani.
“Duke pasur besim në ndërgjegjësimin dhe mirëkuptimin tuaj, ju urojmë shumë shëndet! Së bashku do t’ja dalim!, përfundon Ambasada e Shqipërisë në Rumani.
